مــــن شفتك حبيبي العين بالعين
دمعتي ودمعتك نزلن ســــــــويه
رجف كلبي عليك ووكف لحظات
وأحس وافتني ســــاعات المنية
إذا حبك أذية أتعذب الـــــــــروح
صــدك إنـــي راضـــي بها لأذية
إنا اشتاكيت مـــا ظــــل صبر بيه
واجيك اليـــوم مو باجــــر ألجيه
أجيلك ركض ووصل كبل الاجدام
وإذا تعبن اجدامي امشي أعله أديه
وإذا حنيت إلي وضاك ألخلك بيك
أحــس أبدنيتي ضاكت عليـــــــه
وإذا بيناتنه أبعيده المســـــافات
علـــى النسمات توصلني الوصية
حبيبي ولوردت وصي الهوى إلهاب
أشـــــم بيه ويحتك مــــن يمــر بيه
وإذا وحشه عليك أتصير بالليــــل
علي الوحشة تبدي امــــن المسيه
وإذا دمعك علي يترك بالأخــــدود
عليك عيوني طاحــن بين أديـــــه